ಮೌನವಾಗಿರಬೇಕೆ?

ಟಾ_ರಸ ಶಿಷ್ಯರನ್ನು ಸ್ವೀಕರಿಸುವ ಪರಿಪಾಠವನ್ನು ರೂಢಿಸಿಕೊಂಡಿರಲಿಲ್ಲ. ಒಬ್ಬಾತ ಬಂದು ತನ್ನನ್ನು ಶಿಷ್ಯನನ್ನಾಗಿ ತೆಗೆದುಕೊಳ್ಳಲೇ ಬೇಕು ಎಂದು ಒತ್ತಾಯಿಸಿದ. ಇದಕ್ಕೆ ಒಪ್ಪಿದ ಟಾ_ರಸ `ನನ್ನ ಶಿಷ್ಯನಾಗಿರಬೇಕಾದರೆ ನಾನು ಹೇಳುವವರೆಗೂ ನೀನು ಮಾತನಾಡಬಾರದು’ ಎಂದ. ಆತ ಇದಕ್ಕೊಪ್ಪಿ ಟಾ_ರಸನ ಜತೆ ನಿಂತ.
ಐದು ವರ್ಷಗಳ ಕಾಲ ಆತನಿಗೆ ಮಾತನಾಡುವ ಅನುಮತಿ ದೊರೆಯಲಿಲ್ಲ. ಕೊನೆಗೊಮ್ಮೆ ಅನುಮತಿ ದೊರೆತಾಗ ಆತ ಹೇಳಿದ `ಭಿಕ್ಷೆ ಬೇಡುವುದು ಕಷ್ಟ’.
ಮತ್ತೆ ಐದು ವರ್ಷದ ಮೌನದ ಮತ್ತೊಮ್ಮೆ ಮಾತನಾಡಲು ಅನುಮತಿ ಸಿಕ್ಕಾಗ ಆತ `ಹೊದೆಯಲೊಂದು ಕಂಬಳಿ ಕೊಡಿಸಿ’ ಎಂದ.
ಮತ್ತೆ ಐದು [...]

‘ಟೌ’ತ್ವೀಯ ಮಾಹಿತಿ ಮತ್ತು ಪ್ರಕಟಣೆ

ಟಾ_ರಸಾಭಿಮಾನಿಗಳಿಗೆಲ್ಲಾ ನಮಸ್ಕಾರ,
ಕಳೆದ ಎರಡು ತಿಂಗಳುಗಳಿಂದ ಶೂನ್ಯಸಂಪಾದನೋದ್ಯಮದಲ್ಲಿ ತೀವ್ರವಾಗಿ ತೊಡಗಿಸಿಕೊಂಡ ಫಲವಾಗಿ ಆಲ್_ಹಾಲ್ ಮತ್ತು ಆತನ ಶಿಷ್ಯ ಟಾ_ರಸನ ಕತೆಗಳನ್ನು ನಿಮಗೆ ಒದಗಿಸಲು ಸಾಧ್ಯವಾಗಲಿಲ್ಲ. ಎರಡು ತಿಂಗಳ ಅವಧಿಯ ಶೂನ್ಯ ಸಂಪಾದನೋದ್ಯಮದ ಫಲವಾಗಿ ಮತ್ತಷ್ಟು ಕತೆಗಳು ದೊರೆತಿವೆ. ಅವುಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಸಂತೋಷವಾಗುತ್ತಿದೆ. ಇಂದಿನಿಂದ ಮತ್ತೆ ದಿನಕ್ಕೊಂದು ಕತೆಯನ್ನೊದಗಿಸುವ ಭರವಸೆ ಈ ‘ಬಯಲು’ ಬ್ಲಾಗ್ ಕ್ಷೇತ್ರದ ನಿವಾಸಿ ಶೂನ್ಯಸಂಪಾದಕನದ್ದು.
‘ಟೌ’ ತ್ವಕ್ಕೆ ಜಯವಾಗಲಿ. ‘ಔ’ತ್ವ ಚಿರಾಯುವಾಗಲಿ.
ನಿಮ್ಮವ
ಶೂನ್ಯ ಸಂಪಾದಕ